Dear Teachers Send Your Study Materials, Question Papers & Answers to  kalvisri.education@gmail.com 
Join Our Whatsapp Group Click Here

புதிய வரைவு பாடத்திட்டம் டிசம்பரில் தயாராகும்: அமைச்சர் அன்பில் மகேஸ் தகவல்

மாநில கல்விக் கொள்கை அடிப்​படையி​லான புதிய வரைவு பாடத்திட்​டம் டிசம்​பரில் தயா​ராகும் என பள்​ளிக்​கல்​வி அமைச்​சர் அன்​பில் மகேஸ் தெரி​வித்​தார்.

தமிழ்​நாடு மாநிலக் கல்விக் கொள்​கை 2025-ன்​படி, தற்​போதைய பாடத்​திட்​டங்​களை மாற்​றியமைத்து புதிய பாடத்​திட்​டங்​களை உரு​வாக்க, அமைச்சர் அன்​பில் மகேஸ் தலை​மை​யில் உயர்​நிலைக் குழு அமைக்​கப்​பட்​டுள்​ளது. இதில் இஸ்ரோ தலை​வர் வி.​நா​ராயணன் உட்பட 13 பேர் உள்​ளனர்.

அதே​போல, பள்​ளிக்கல்விக்கு புதிய கலைத்​திட்​டத்தை வடிவ​மைக்க சுற்​றுச்​சூழல் விஞ்​ஞானி சுல்​தான் அகமது இஸ்​மா​யில் தலை​மை​யில் பாடத்​திட்ட வடிவ​மைப்​புக் குழு அமைக்​கப்​பட்​டுள்​ளது. இதில், பஞ்​சாப் மொஹாலி இந்​திய அறி​வியல் கல்​வி, ஆராய்ச்சி நிறுவன பேராசிரியர் விஞ்​ஞானி த.வி.வெங்​கடேஸ்​வரன், வரலாறு மற்​றும் தொல்​லியல் வல்​லுநர் கா.​ராஜன் உட்பட 14 பேர் உள்​ளனர்.

இந்​நிலை​யில், உயர்​நிலைக் குழு, கலைத்திட்ட வடிவ​மைப்​புக் குழு ஆலோ​சனைக் கூட்டம் சென்னையில் நேற்று நடைபெற்​றது. அமைச்​சர் தலைமை வகித்தார். உயர்​நிலைக் குழு துணைத் தலை​வ​ரான பள்​ளிக்​கல்​வித்துறை செயலர் பி.சந்​திரமோகன் மற்​றும் நிதித் துறை செயலர் உதயச்​சந்​திரன், கலைத்திட்ட வடிவ​மைப்​புக் குழு தலைவர் சுல்​தான் அகமது இஸ்மா​யில், இஸ்ரோ தலை​வர் நாராயணன், மாநில திட்​டக்​குழு உறுப்​பினரும், மாதிரிப் பள்​ளி​கள் உறுப்​பினர் - செயலரு​மான இரா.சுதன், பள்​ளிக்​கல்வி இயக்​குநர் கண்​ணப்​பன், தொடக்​கக் கல்வி இயக்​குநர் நரேஷ், மாநில கல்​வி​யியல் ஆராய்ச்​சி, பயிற்சி நிறுவன இயக்​குநர் லதா மற்​றும் உறுப்​பினர்​கள் பங்​கேற்​றனர்.

விஞ்​ஞானி த.வி.வெங்​கடேஸ்​வரன், இந்​திய கணித அறிவியல் நிறுவன முன்​னாள் பேராசிரியர் இரா.​ரா​மானுஜம், அமெரிக்​க கலி​போர்​னியா பல்​கலைக்​கழக மூலக்​கூறு வரைகலை, கணக்​கீட்டு வளமைய இயக்​குநர் விஞ்​ஞானி ஏ.இ​ரா.அழகியசிங்​கம், கிரிக்​கெட் வீரர் ரவிச்சந்​திரன் அஸ்​வின் ஆகியோர் இணைய வழி யாக பங்​கேற்​றனர்.

கூட்​டத்​துக்​குப் பிறகு, செய்​தி​யாளர்​களிடம் அமைச்​சர் அன்பில் மகேஸ் கூறிய​தாவது: மாணவர்​களுக்கு தியரியை​விட செய்​முறை பாடம் அதி​கம் இருக்க வேண்​டும் என்​பதே பலரது விருப்​ப​மாக உள்​ளது. மாணவர்​கள் வெறுமனே பாடங்​களை மனப்​பாடம் செய்​யாமல், நன்கு புரிந்து படித்​திருக்​கிறார்​களா என்​பதை உறு​திப்​படுத்​தும் வகை​யில் மதிப்​பீடு அமைய வேண்​டும் என்​றும் வலி​யுறுத்​தி​ உள்​ளனர்.

புதிய பாடத்​திட்​டத்தை ஒன்றாக செயல்​படுத்​தாமல், முதலில் 1, 2, 3-ம் வகுப்​பு​கள், அடுத்து 4 முதல் 10, பின்​னர் பிளஸ் 1, பிளஸ் 2 என படிப்​படி​யாக அமல்படுத்த முடிவு செய்​யப்​பட்​டுள்​ளது. அடுத்த 10 ஆண்​டு​கால வளர்ச்​சி, ஏஐ உள்​ளிட்ட வளர்ந்து வரும் தொழில்​நுட்ப வளர்ச்​சிகளை எதிர்​கொள்​ளும் வகை​யில் புதிய பாடத்​திட்​டம் உரு​வாக்​கப்​படும். இதற்​கான வரைவு பாடத்​திட்​டம் டிசம்​பரில் தயா​ராகும். இவ்​வாறு கூறி​னார்.

இஸ்ரோ தலை​வர் நாராயணன் கூறும்​போது, “புதிய பாடத்திட்​டத்தை உருவாக்க தமிழக அரசு எடுத்​துள்ள முயற்சி பாராட்​டுக்​குரியது. மாணவர்​கள் படிப்​பில் மட்​டுன்றி கலை, விளையாட்​டு, வாழ்​வியல் திறன், தகவல் தொடர்​புத் திறன், விருந்​தோம்பல், சகிப்​புத்​தன்மை என அனைத்​தி​லும் சிறந்து விளங்​கும் கல்வி வேண்​டும்” என்​றார்.